Wezîrê Karê Derve yê Elmanyayê Sîgmar Gabrîel di pirtûka xwe ya bi navê “Pîvanên Nû” (Neûvermessûngen) de Tirkiyeyê dinirxîne. Gabrîel di pirtûka xwe de li ser kêşeyên siyaseta dinyayê û ya polîtîkaya navxweyî disekine.

Li gorî nûçeya servîsa Tirkî ya Deûtsche Welleyê Gabrîel di pirtûka xwe de li ser Tirkiyeyê nirxandinên kûr dike.

Gabrîel ê ku dibêje; “Tirkiye berê xwe ji Ewropaya Rojava diguherîne, her ku diçe avadaniyên desthilatdariyê yên otorîter ava dike, ev jî rê li ber têkiliyeke ne aram a bi NATO’yê vedike.”

Gabrîel balê dikişîne ser stratejiyên pêşerojê yên NATO’yê û dibêje; “NATO divê stratejiya xwe ji ber çavan derbas bike. Gelo ji niha û şûnde bêyî fikar em dikarin çekan bidin Tirkiyeyê?”

Wezîrê Karê Derve yê Elmanyayê fikarên xwe yên derbarê Tirkiyeyê wisa îfade dike:

“Tirkiye her ku diçe ji rêgezên demokratîk û dewleta hiqûqî dûr dikeve. Bi qedexekirina înternetê re nikare kêşeyan çareser bike. Demokratîkbûn û dîjîtalbûn wekî gelek parçeyên cîhanê, li cîhana Tirkiye û Ereban parçeyekî azadiya siyasî ya çalakgeran a mafdar e.”