Di daxuyaniya ji aliyê Koalîsyona Navneteweyî ya beriya 3 salan li dijî çeteyên DAIŞ’ê hate avakirin de, hate diyarkirin ku piştî windakirina çeteyên DIAŞ’ê ya li Reqayê û şûnde wê gelek leşkerên xwe vekişînin.

Berdevkê Koalîsyonê Ryan Dîllon ê li ser hesabê Twîtterê daxuyaniyek da wiha got: “Amadekarî tên kirin ku ji 400 leşkeran zêdetir ên DYA’yê wê bên vekişandin.” Dîllon anî ziman ku ev biryar piştî rizgarkirina Reqa ya ji aliyê Hêzên Sûriyeya Demokartîk (QSD) ve û şûnde hatiye girtin, dîrokekî diyar neda.

Bajarê Reqa yê ku DAIŞ’ê ji bo xwe weke ‘paytext’ îlan kiribû, 17’ê Cotmehê bi operasyoneke berfireh a ji şervanên QSD’ê ku Kurd, Ereb, û gelên din li nav bi temamî hate rizgarkirin. Reqa 3 salan di bin dagirkeriya çeteyan de mabû.