Rayedaran dan xuyakirin ku doza li ser bi sedan endam û gumanbarên Boko Haram dest pê kiriye.

Doz li bajarê Dîffa yê li ser sînorê Nîjeryayê dest pê kir. Gumanbar ji ber sûcên "endametiya rêxistina terorê" û gelek sûcên din tên darizandin.

Bersûcên tên darizandin ji girtîgehên li bajarên Nîamey, Kollo û Koûtoûkalê hatine anîn.

Li herêma Gola Çadê ya li ser sînorê Nîjer, Çad, Kamerûn û Nîjerê, sala 2009'an êrîşên çeteyên Boko Haram dest pê kirin û bi dehan kes ji ber van êrîşan mirin. Li dijî çeteyên Boko Haram ji sala 2015'an û pê ve operasyonên hevpar ên leşkerî hatin kirin û piraniya çeteyê ji holê hate rakirin.

Çeteyên Boko Haram ku bi giranî êrîş dibirin ser gundan û bi rengekî komî zarok direvandin, sala 2014'an ragihandibû ku ew 'bîadê' ji çeteyên DAÎŞ'ê re dikin.