Dîwana Edaletê ya Navneteweyî ya ku saziya darizandinê ya Neteweyên Yekbûyî ye bang li DYA kir ku bila dev ji boykota malên ‘ji bo alîkariya mirovî’ ya li ser Îranê berde. Tê diyarkirin ku wê bandoreke biçûk a vê biryarê hebe.
Dîwana Edaletê ya Navneteweyî têkildarî biryara boykotê ya DYA ya li ser Îranê biryar da.
DYA di meha Gulanê de xwe ji peymana nukleer vekişandibû û dest bi pêkanînan kiribû. Îranê jî diyar kir ku ev tê wateya binpêkirina ‘Peymana wekhevî, ekonomîk û konsolosxaneyan’ û serî lê dabû. Îran di vê dozê de bi ser ket.
PRESS RELEASE: the #ICJ delivers its Order on the Request for the indication of provisional measures submitted by Iran in the case of the Treaty of Amity (#Iran v. #UnitedStates) https://t.co/ZTnc2ZpDaz pic.twitter.com/DK1XVZXTqN
— CIJ_ICJ (@CIJ_ICJ) October 3, 2018
Wezareta Karên Derve ya Îranê daxuyaniyeke nivîskî belav kir û diyar kir ku, “Derket holê ku boykota DYA ya li dijî gelên Îranê xedar û derveyî zagonan e.”
Tê diyarkirin ku wê bandora vê biryarê hindik be. Pêleke din a zextan ew ê di 4’ê Mijdarê de pêk were û ew ê li sektora petrolê ya Îranê bixe.
Dîwana Edaletê ya Navneteweyî diyar kir ku biryara boykot û zextên rêveberiya DYA astengiyan li ser îthalat û îhracatê ava dike û ev tişt bi awayekî giran bandora xwe li ser jiyana kesên li Îranê dike.
