Antony Blinken bi gelek rayedarên Îsraîlê re hevdîtin pêk anî. Piştî hevdîtina Wezîrê Karên Derve yê Emerîkayê Antony Blinken û Benjamin Netanyahu, ofîsa Serokwezîrê Îsraîlê ragihand ku “têketina sotemeniyê bo Xezeyê nehatiye pejirandin.”

Di hevdîtina bi Serokkomarê Îsraîlê Îshaq Herzog a li Tel Avîvê got: “Pir girîng e ku ji bo parastina sivîlên li Xezeyê yên ku di bin gulebarana Hamasê de ne, her tiştê ku ji destê me tê em ê bikin.”

Antony Blinken wiha axivî: "Em jî di her kêliyê de li ser rehîneyên xwe difikirin û bi biryar in ku ji bo ku wan bi ewle vegerînin vir her tiştî bikin."

Wezîrê Parastinê Yoav Gallant bersiva Blinken da û wiha got: “Bêyî vegerandina rehîneyan di pevçûnan de agirbest çênabe."

Blinken piştî hevdîtinan di civîneke çapemeniyê de axivî û got ku "yekane rê" ji bo ewlekariya Îsraîlê avakirina dewleta Filistînê ye.

Blinken got: "Rêya herî baş, dibe ku tenê rê, ji bo herdu gelan du dewlet in."

Blinken anî ziman ku dema şerê di navbera Îsraîl û Hamasê de dikeve roja xwe ya 28’emîn û got ku “Ji bo dabînkirina ewlehiya mayînde ya Îsraîlê ev tekane rê ye” ji bo Filistînê jî got: “Tenê rê ew e ku Filistîniî ji bo dewletê daxwaza xwe ya rewa bînin ziman.”

Blinken diyar kir ku wî bi Serokwezîrê Îsraîlê Netanyahu re jî li ser îhtimala "rawestana însanî" gotûbêj kiriye û wiha got: "Em bawer dikin ku ev hemû hewldan dê bi rawestin û rêkkeftinên însanî yên ku dê ewlehiya sivîlan zêde bike û bi awayekî domdarî belavkirina alîkariyên mirovî berdewam bikin.” Blinken destnîşan kir ku ew ê tu carî Îsraîlê bi tenê nehêlin.