Wezîr Abdullahiyan di roja destpêkê ya serdana New York’ê de, piştî hevdîtina dualî daxuyaniyek da.

Li gorî ajansa nûçeyan Mehr, li ser pirsa nûçegihanek IRNA NEW YORK’ê, Emîr Abdullahiyan wiha got: “Me peyam û hişyariyeke cidî ji Emerîkiyan re şand.”

Wezîrê Karên Derve ev tişt jî got: “Dewletên Yekbûyî yên Emerîkayê û Qraliyeta Yekgirtî bi hev re tevdigerin û êrîşî herêmên li Yemenê dikin. Ev yek gefê li aştî û ewlehiya li herêmê dixwe û wê bibe sedem ku şer berfireh bibe.”

Ev daxuyanî piştî êrîşa DYE û Îngilistanê ya li ser Hûsiyan, hate dayîn. Di daxuyaniya nivîskî ya hevpar a her du welatan de, wiha hate gotin: “Di êrîşa îro de bi taybetî depoyeke binerdê ya Hûsiyan, fuze û çeperên çavdêriya hewayî yên Hûsiyan hatin hedefgirtin.”

Di daxuyaniyê de hat diyarkirin ku ev êrîş bi armanca “xerakirin û bêbandor hiştina cepxaneya ku Hûsî ji bo bazirganiya cîhanê û jiyana deryavanên bêguneh bixin metirsiyê” hatiye kirin.

Hûsî ku tevgereke nêzî Îranê ye, berpirsyariya êrîşa ku roja Yekşemê li peravên Yemenê li dijî keştiyeke leşkerî ya DYE’yê hatibû kirin, girtibû ser xwe.

Hûsî ji meha Mijarê û vir ve îdîa dike ku ew bi Fîlîstiniyên li Xezeyê re di nava piştevaniyê de ne û li dijî keştiyên ku îdîa dikin bi Îsraîlê re têkildar e, bi gelek fuze û balafirên bêmirov êrîşî wan keştiyan kiribûn.