Çeteyên DAÎŞ’ê li ser malpera xwe ya propagandayê diyar kir ku wan êrîşa li Ahvazê kirine û 12 jê pasdar 24 kes mirine.

Li gorî bîlançoya nû 60 kes birîndar bûne.

AGAHIYÊN LI DIJÎ HEV

Beriya van daxuyaniyan jî Eniya Gel a Demokratîk a Ahvazê diyar kiribûn ku wan ev êrîş pêk anîne.

Têkildarî êrîşî agahiyên li dijî hev hene. Li gorî malpera nûçeyan a Farsê du kesan ev êrîş pêk anîne û herdu jî hatine ‘bêbandorkirin.’

Alîkarê waliyê wîlayeta Hûzistanê Alî Huseyîn Huseyînzadeh jî got ku, “Terorîst çar kes bûn, du kes hatin kuştin û du kesên din jî hatin girtin.”

Li gorî AFP’ê generalekî pasdaran jî diyar kiriye ku êrîş ji aliyê çar kesan hatiye kirin û her çar jî mirine.