Li gorî nûçeya Reutersê berpirsekî payebilind ê çeteyên bi desteka Enqerê ya ku jê re 'benda Sûriyê' tê gotin nûnerên Heyet Tahrîr el-Şam (HTŞ) ku el Nusraya berê ava kiribû, têkilî bi artêşa Tirk re danîn û bi çarçoweya peymanê wê ji herêmê vekişin.

EL QAÎDE BI ENQERÊ RE TÊKILÎ DANIYE

Berpirsê çete ku navê xwe nedayî got, ''Rewş baş dibe û Tahrîr el Şam, bêyî ku ji raya giştî re ragihîne got ew ê pabendî peymanê be.''

Peymana ku Enqere Nusra jî di nav de bi rengê berdevkê çeteyan li ser masê rûniştî, armanc dike heta 15'ê Cotmehê 'herêmeke ji leşkeran hatî valakirin' a bi kontrola  Tirkiyê û Rûsyayê armanc dike. Ev herêm di navbeyna herêmên destê rejîmê û destê çeteyan de, wê bi berfirehiya 15-20 kîlometreyî be. Li vê herêmê ku çekên giran jî wê werin derxistin, tê gotin leşkerên Tirk û Rûs wê dewriye bigere.

Hebûna vê herêmê xwe dispêrê ser vekişîna komên çekdar. Heke çete li herêmê hebûna xwe bidomînin ev ê bibe binpêkirina peymanê. Ev jî wê bibe hinceta operasyona rejîmê, ku bi mehan e haziriya xwe dike.

Heyet Tahrîr el Şam ku ji hêla Nusraya berê ve hatibû avakirin, li herêmê koalîsyona herî berfireh e ku serdestiya xwe daniye. Li gorî  Mala Çavdêr a Mafê Mirovan 70 ji 100'î ya herêmên ku ji leşkeran hatin valakirin di kontrola HTŞ'ê de ye.

ÇARENÛSA HERÊMÊN BÊ ŞER

Alîkarê Wezîrê Karê Derve yê Sûriyê Faysal Mukdad got ev peyman bi çarçoweya wê peymanê ye ku 2017'an armanc dikir herêmên bê şer were avakirin. Tevahiya herêmên navborî ji wê demê û vir ve ketiye kontrola rejîma Şamê.

Li gorî nûçeyeke rojnameya El Watan ku beriya bi çend rojan  dabûn, Mukdad got, ''Çawa ku li deverên dî yên Sûriyê em serfiraz bûn, li vir jî em ê serfiraz bibin. Mesaja me ya ji bo hemû aliyan zelal e: Çi bi şer û jî bi rêya aştî em ê têkevin Idlibê.''