Li paytexta Sûriye Şamê îro danê sibê li navenda bajêr du êrişên bombeyî rû dan. Hat ragihandin, ku ji ber êrişan gelek kuştî û birîndar hene.

Li gorî televîzyona dewletê ya Sûriyê, ji ber "du êrişên întiharî" yên li Taxa Merceh'ê, gelek kesan jiyana xwe ji dest dane û birîndar bûne.

Li gorî nûçeya ajansa fermî ya Sûriyê Sana, di êrişê de 2 kesan jiyana xwe ji dest dane, 26 kes jî birîndar bûne. Ajans nûçeya xwe dispêre çavkaniyeke Muduriyeta Emniyetê û diyar dike ku du bombeyên li ber kargehên bazirganiyê teqiyane.