Roja 18ê mijdarê li bajarê Almanya Iselburgê Şeva Piştgiriya bi Çira Tv re, bi beşdarbûna Koma Otobusa ji bo azadiya Rêberê Gelê Kurd Abdullah Ocalan ku ev zêdeyî 2 meha ye li seranserê Ewropa digere, nûnerên gelek saziyan, Dayikê Aşitiyê, rewşenbir, siyasetmedar, hunermend, karsaz û ji hemû beşê civakê hate lidarxistin.

Şeva piştgiriyê bi pêşkêşvaniya Hunermend û Şanoger Amele re dest pê kir. Bernama şevê bi sirûda Ey Reqîb ji aliyê hunermend Xemdar,Bedil, Canê û Kewê ve hat vekirin. Piştre Koma Ezda derket ser dikê û stranên xwe pêşkêşî gel kirin.

Di şevê de peyama KCDê hate xwendin. Li ser navê Koma Otobusa Ji Ocalan re Azad, Serokê KON-KURDê Îsmet Kem axaftinek kir. Her wiha siyasetmedarê kurd Muzafer Ayata li ser rewşa dawî û giringîya weşana nûh axaftinek kir. Li ser navê BDP ê peyama Parlementera Qersê Mulkîye Bîrtane hate xwendin.

Her wiha, li ser navê komîteya amadekar û komîteya Weşanê Cercur Cemîl axaftinek kir. Peyama (FKÊ) ji alîyê Cahît Zerdeştî ve hate dayin.Her weha gelek Mal û Komelên Êzdiya bi beşdarbûn xwe û peyamên niviski piştgirtin dane şevê.

Bernameya ҫand û hunerê ya şevbêrkê gelekî dewlemend bû.Usiv û Xwedêdayê Feto, Hozan Xemdar, Hozan Canê, Koma Rizgar ,Hozan Bedil, Weysî Emer û Îsmet û Hozan Kewê bi stranên xwe yên şoreşgerî û gelêrî gel coşandin. Bi kêfxweşî û moalekî xurt şev bi dawî bû.

Hêjayê gotinê ye di dema şevê de, berxwedana dirokî ya greva birҫibûnê li zindanê Kurdistanê û Tirkiyê di hate berdewamkirin, li ser banga Rêberê Gelê Kurd di roja 68emîn de hate bidawikirin. Ji aliyê gel ve bi kefxweşiyeke mezin hate pêşwazîkirin, heycan û germbûna şevê ҫend qat zêdetir kir.