Di festîvalê de ku ji ber şewba Covîdê bi rengê online hate lidarxistin, Dokûmantera Hêza ya Derya Denîz û Project S a Dîrk Anton û Davîd Elîsar hêjayî Xelata Dokûmantera Herî Baş hatin dîtin.

Festîvala ku 176 fîlm û dokûmanter lê hatin nîşandan, yek ji festîvalên naskirî yên Latîn Emerîkayê ye.

Dokûmantera Hêza beriya niha li Festîvala Fîlman a Navneteweyî ya Boden a Swêdê xelata dokûmantera herî baş, li Festîvala Fîlman a Navneteweyî ya Drûk ku li Bhûtan a li Başûrê Asyayê hate lidarxistin xelata serketina mezin, li Festîvala Fîlman a Fîlm în Focûs a li Romanyayê xelata dokûmantera herî baş, li Festîvala Fîlmên Jinê ya Serbixwe ya li Emerîkayê jî xelata dokûmantera herî baş wergirtibû.

Xelata dokûmantera herî baş a li Festîvala Fîlman a Navneteweyî ya Brezîlyayê jî di nav de heta niha 5 xelat ji Dokûmantera Hêza re hatiye dayin.