Fîlmê Gava Şitil Mezin Dibin (When Seedlîngs Grow) ku li ser jiyana rojane ya malbateke Kobanê ku bi firotina mast debara xwe dike ye, balê dikişîne ser ser guherîn û pêşketina civakbûna nû ya piştî şer û şoreşê.

Fîlm ji aliyê Komuna Fîlman a Rojava ve bi derhêneriya Rêger Azad hat çêkirin. Seneryoya fîlmê jî ji aliyê Emîn Engizek, Denîz Derya û Rêger Azad ve hatiye nivîsandin.

Fîlmê ku dema wê saeteke û 23 deqe ye, piştî ku di sala 2022’an de galaya xwe li Kobanê kir, li Mîhrîcana Fîlman a Cine Pobre ya Meksîkayê hat nîşandan. Di 21’emîn Mîhrîcana Fîlman a Cine Pobre ya Meksîkayê de ket bijarteya fîlmê cîhanê ku herî baş xwe fînanse dike. Fîlm di mîhrîcanên Arjantîn Doca û Îtalyayê hat nîşandan. Di 9’emîn Mîhricana Fîlman a Montevîdeo ya Uruguayê xeleta baştirîn fîlmê dirêj wergirt.

Piştre di 20’emîn Mîhrîcana SKIP CITY İnternational D-Cinema a Japonyayê de di nav 1246 fîlman de fîlmê herî baş hat hilbijartin.

Fîlm wê li Kolombiya, Katalonya, Swêd, Elmanya, Portekîz, Emerîka û li gelek cihên din were nîşandan.