Li gorî agahiyan, hejmara meleyên bi fermana hikûmeta Tirk, têkildarî endamên Gulen ên Elmanyayê agahî ji MÎT'ê re radigihand, tenê li 2 eyaletan herî kêm 16 ye.

Li gorî Rêxistina Parastina Destûra Bingehîn (LfV), li mezintirîn eyaleta welêt Nordrheîn-Westfalen (NRW), 13 mele karê sîxurtiyê dikin. Serokê LfV Bûrkhard Freîer ji Komîsyona Karên Hundir a Parlamenta Eyaletê re axivî û diyar kir, ev meleyên ser bi DÎTÎB'ê bi giranî agahiyên li ser Guleniyan kom dikin.

Hat tespîtkirin, li eyaleta Rehînland-Pfalz a li rojavayê Elmanyayê, herî kêm 3 meleyên DÎTÎB'ê ji MÎT'ê re xebitî ne.

Lê belê ev hejmar tenê ya 'hatiye tespîtkirin' e. Lewma nayê zanîn bê îstîxbarata navxweyî ya Elman hejmarên rast dide yan na.