NATO perwerdeya rûxandina bombeyan dide leşkerên Iraqî
Tifaqa Bakurê Atlantîkê NATO, ji bo perwerdekirina hêzên Iraqî li dijî madeyên teqemeniyê, dest bi bernameyeke perwerdeyê kir.
Tifaqa Bakurê Atlantîkê NATO, ji bo perwerdekirina hêzên Iraqî li dijî madeyên teqemeniyê, dest bi bernameyeke perwerdeyê kir.
NATO'yê daxuyaniyeke nivîskî weşand û ragihand, bi qasî 30 leşker tevlî dewreya perwerdeya destpêkê ya pênc hefteya dibin.
Hat ragihandin, ev bernameya nû wê paralelî hevkariya 'sivîl-leşkerî' ya NATO ya li Iraqê bê meşandin.
Di daxuyaniyê de hat destnîşankirin, bi rêya bernameyên bi vî rengî, wê welat kapasîteya xwe ya têkoşîna li dijî DAIŞ'ê xurtir bike û bike ku xwe bi xwe ewle bikin.
Sekreterê Giştî yê NATO'yê Jens Stoltenberg got, "Di têkoşîna dijî terorîzmê de çeka herî baş a li ber destê me ye, perwerdekirina hêzên herêmî ye. Artêşeke Iraqê ya hê bi bandor tê wateya Iraqeke hê ewle û Rojhilata Navîn a hîn aram."
Hêzên NATO'yê, di meha Cotmehê de, di çarçoveya koalîsyona navneteweyî ya dijî DAIŞ'ê de, balafirên keşfê Awacs jî xistibûn dewrê.