Tê payin ku hilbijartin şeş hefteyan dewam bike. Her wiha tê texmînkirin ku Serokwezîrê neteweperest ê Hîndû Narendra Modî bi ser bikeve.

968 milyon Hîndû ku ji temamiya nifûsa Dewletên Yekbûyî yên Emerîka, Yekîtiya Ewropa û Rûsyayê zêdetir e, ji bo hilbijartina 543 endamên meclîsa jêrîn di pêvajoya dengdanê de ne.

Pûsûlayên dengdan ên ji çar aliyên welêt bên, wê di 4'ê Hezîranê de bêne jimartin. Encamên hilbijartinê jî bi giranî di heman rojê de têne eşkerekirin.

Modî yê 73 salî piştî wezîfeya du serdeman ku giraniya aborî û dîplomatîk a Hindistanê zêde kir, hîn jî gelekî populer e. Şîrovekarên siyasî texmîn dikin ku partiya neteweperest a Modî wê li hemberî koalîsyona ji partiyên muxalefetê bi ser bikeve.

Di qonaxa destpêkê ya hilbijartinê de ku hefteya derbasbûyî pêk hat, rêjeya tevlîbûnê li gorî hilbijartinên sala 2019'an bi çar pûanan kêm bû û daket rêjeya ji sedî 66'an. Çapemeniya Hindû jî germa zêde weke sedema vê kêmbûnê nîşan da.

Li vî welatê herî qelebalix ê cîhanê, ji bo hêsanîkirina lojîstîka hilbijartinê, hilbijartin ji 7 qonaxan pêk tê. Qonaxa duyemîn vê hefteyê di germa ji 40 santîgratê de tê kirin.