Hefteya borî di 4’ê nîsanê de bi beşdariya nêzîkî 10 hezar kesî merasîma Hezar Erbane hate lidarxistin. Beşdarên merasîmê ji cihên cuda yên rojhilatê Kurdistanê û ji seranserî Îranê bûn.

Yek ji aliyên merasîmê yên xweşik ew bû ku gel bi cil û bergên Kurdî yên rengereng dîmenekî xweşik da merasîmê. 

Yek ji xala din a merasîmê ya balkêş ew bû ku piraniya beşdaran jin bûn. 

Erbanejen li ser banên malên gund rêz bûn û hunera xwe pêşkêş kirin. Vê yekê coş û kelecaneke taybet da merasîmê.

Heman merasîm roja înî, ango di 19’ê Nîsanê de, wê li bajarokê Palinganê jî bê lidarxistin.