Navenda Ragihandinê ya YPG'ê bi daxuyaniyeke nivîskî diyar kir ku 4 şervanên wan di Bagera Cizîrê û Reqayê de şehîd bûne û got ew ê xeyalên şehîdan, azadiyê pêk bînin.

Daxuyaniya YPG’ê wiha ye:

"Hebûna çeteyên DAIŞ’ê yên li Bakurê Suriyê roj bi roj ber bi tunebûyînê ve diçe. Pêngava Bagera Cizîrê ku bi pêşengtiya QSD’ê, Meclîsa Leşkerî ya Dêra Zorê û YPG-YPJ’ê  hatibû destpêkirin û rizgarkirina Dêrezorê û gundewarên wê hatibû armanc kirin, tekoşîna ku li dijî çeteyên DAIŞ’ê hatiye meşandin bi xwe re deskeftiyên mezin aniye. Bêguman ev destketî bi berdelên giranbûha hatine bidestxistin. Ji bo ku yek çete jî li xaka Rojava û Bakurê Suriyê nemîne tekoşîna me wê hertim berdewam bike.
 
Di dîrokên cuda de sê rêhevalên me di Pêngava Bagera Cizîrê de li hember çeteyên DAIŞ’ê bi qehremanî şer kirin şehîd bûn. Her wiha rêhevalekî me li Reqqayê di operasyona paqijkirina bermahiyên çeteyan de şehîd bûye.
 
Em  YPG û YPJ tevahî şehîdên azadiyê bi rêzdarî bibîr tînin û sersaxiyê ji malbatên şehîdan û gelên me yên welatparêz re dixwazin. Em careke dî soz didin ku xeyalên şehîdan a azdiyê pêk bînin."
 
Li gorî daxuyaniyê nasnameya şehîdan wiha ye:

 

 

Nasnav: Cîgerxwîn Qamişlo

Nav û Paşnav: Elî Ibrahîm

Navê Dayikê: Meryem

Navê Bav: Hemîd

Cihê Ji Dayikbûnê: Qamişlo

Cih û Dîroka Şehadetê: Dêra Zor / 15 Çile 2018

 

 

Nasnav: Hazim Şedadê

Nav û Paşnav: Elî El Hesen

Navê Dayikê: Wedha

Navê Bav: Xelef

Cihê Ji Dayikbûnê: Şedadê

Cih û Dîroka Şehadetê: Dêra Zor / 20 Mijdara 2017

 

 

Nav û Paşnav: Hesen El Hisên

Navê Dayikê: Cewhera

Navê Bav: Enter

Cihê Ji Dayikbûnê: Şedadê

Cih û Dîroka Şehadetê: Dêra Zor / 14 Çile 2018

 

 

Nasnav: Rênas Erzurum

Nav û Paşnav: Şahap Dogan

Navê Dayikê: Xanim

Navê Bav: Celal

Cihê Ji Dayikbûnê: Erzurum

Cih û Dîroka Şehadetê: Reqa / 13 Çile 2018