Navenda Ragihandin û Çapemeniyê ya QSD’ê bîlançoya 24 saetên dawî ragihand.
QSD’ê diyarkir ku li eniya Baxozê şer dewam dike û di şerê 24 saetan de 15 çete hatine kuştin, 5 baregehên çeteyan hatine rûxandin. Her wiha QSD’ê anî ziman ku di çalakiyên şervan û êrîşan de 2 şervanên wan şehîd, 7 jî birîndar bûne.
Di daxuyaniyê de ev agahî hatin parvekirin:
ENIYA BAXOZ
Şervanên me êrîşa terorîstên DAîŞ‘ê şikandin û 3 terorîst kuştin, cenazeyên çeteyan ketin destê şervanên me. Hêzên Koalîsyona Navdewletî bi balafir û fûzan li baregehên terorîstan dan.
Di encama êrîşa çeteyan de 3 şervanên me birîndar bûn.
Şerê li vê eniyê heta amadekirina vê raporê berdewam e, terorîstan çekên giran û topên SPG 9 bi kar tîni, di şerê li vê eniyê de şervanekî me şehîd ket û şervanek jî birîndar bû.
ENIYA HECÎN
Hêzên me li vir avakirina nuqteyan û bendna didomînin. Mayîneke ku terorîstan li vê herêmê bi cih kiribûn teqiya, di encamê de 2 şervanên me birîndar bûn.
ENIYA BEHRA
Terorîstan hewl dan bi wesayîtên bombebarkirî êrîşî şervanên me bikin, di encamê de şer rû da. Şervanên me bersiva êrîşan dan û êrîş şikandin û terorîsta reviyan. Di êrîşê de şervanekî me şehîd bû û yek birîndar bû.
BÎLANÇOYA ROJÊ
15 terorîst hatin kuştin.
Balafirên Koalîsyona Navdewletî li 11 cihan dan.
5 bargehên terorîstan hatin xûrandin.
cîhazekî GPS kest destê şervana.
2 şervanên me şehîd bûn û 7 jî birîndar bûn."