Li Zanîngeha Kobanê ezmûnên dawiya salê destpê kirin
Xwendekarên li Zanîngeha Kobanê dixwînin, dest bi ezmûnên xwe yên werza dawî ya salê kirin.
Li Zanîngeha Kobanê, 550 xwendekarên li beşên Wêje û Zanistiyê dixwînin dest bi ezmûnên xwe yên dawiya salê kirin.
Ezmûn di beşa wêjeyê de li ser Wêje û Zimanê Kurdî, Wêje û Zimanê Erebî tê kirin.
Di beşa zanistiyê de jî li ser beşên Bîrkarî, Fîzîk, Kîmya û Tipê têne kirin.
Xwendekarên li 5 peymangehên perwerdeyê jî di beşên Mamosteyên Refê, Erdnîgarî, Îngilîzî, Biyolojî de ketine ezmûnê.
Di Tipê de jî xwendekarên peymangehên Anestezî, Hemşîretî û Testa Xwînê dest bi ezmûnan kirin.
Ezmûn li peymangeha Teknîkê, Îdare û Qanûnan de jî destpê kirin.
Ezmûnên dawiya salê yên li Zanîngeha Kobanê wê heta 21'ê Tîrmehê dewam bike.
