Bi merasîmeyeke heybet ku bi sedan welatiyên Kobanê beşdarî bibûn û wêneyên şehîd, ala QSD û posterên Rêberê Gelê Kurd Abdullah Ocalan hildabûn, cenazeyê şervanê QSD’ê Ezîz Berkel (Ocalan Kobanê) ji nexweşxaneya leşkerî wergirtin û bi karwanekî ku ji sedan wesayîtan pêk dihat, berê xwe dan Goristana Şehîd Dicle ya başûrê bajarê Kobanê.

Li goristanê, bi deqeyek rêzgiritnê merasîmeke leşkerî ya ji aliyê şervanên YPG û YPJ`ê ve hate lidarxistin.

piştre Endamê Meclîsa Malbatên Şehîdan a Kobanê Îzet Hemo û Endamê PYD`ê Ehmed Xoce, di merasîmê de axîvin. Hemo û Xoce sersaxî ji malbata şehîd re xwestin û tekez kirin ku hemû destkeftiyên ku gelên Rojava û Bakurê Sûriyê bi dest xistin, bi saya şehîdan hatine bidestxistin.

Piştî axaftinan, Endamê Meclîsa Malbatên Şehîdan Ronahî Ehmed nasnameya şehadetê xwend û radestî malbatê kir.

Di dawiya merasîmê de, cenazeyê şehîd Ocalan Kobanê bi dûrişmeyên ‘Şehîd Namirin’ li kêlek hevreyên wî hate veşartin.