Li gorî nûçeya ANHA’yê ku agahiyan dispêre çavkaniyeke herêmê, li nêzî nûqteyeke ya çeteyên Sûltan Mûrat a li kolana Siyasî ya li navenda bajar mayîneke ku berê li cihê sergoyê hatibû bicihkirin, teqiya.

Teqîn saet 17:00’an pêk hatiye, di teqînê de li gorî agahiyên destpêkê herî kêm 3 çeteyên Sûltan Mûrat ên girêdayî dewleta Tirk birîndar bûne.

Heman çavkaniyê ragihand ku piştî teqînê artêşa Tirk û çeteyên wê ketine nava liv û tevgerê, dîsa rêyên sereke girtine.

Li aliyê din balafirên keşfê yên bê mirov li ser navçeyên Şêrewa û navenda Efrînê difirin.