Li bejahiya navçeya Bilbilê ya Efrînê li gundên Kurdo û Baliya di navbera artêşa Tirk û şervanên QSD'ê de şerekî dijwar diqewime. Li navçeya Raco jî di navbera hêzên Tirk ên xwestin ji sînor derbas bibin û QSD'ê de şer diqewime.
Li gorî agahiyên dawî yên gihîştin ber dest;
Di navbera artêşa Tirk a ku xwest li navçeya Raco ya Efrînê ji sînor derbas bibe û Hêzên Sûriyeya Demokratîk (QSD) de şerekî dijwar diqewime. Şer li derdora gundê Xelîlê diqewime û çekên giran lê tên bikaranîn.
Tê gotin, balafirên şer ên Tirk bombe li derdora navçeya Raco barandine.
Wekî din, li bejahiya navçeya Bilbilê jî şerê li gundên Kurdo û Baliya dewam dike.
