Li Şehbayê bi daxuyaniyekê kedkarên Şaredariya Efrînê 1’ê Gulanê pîroz kir. Daxuyanî ji aliyê Ebdilrehman Resûl û endama şaredariyê Şehrîban Hisên ve hate xwendin.

Di daxuyaniyê de 1’ê Gulanê di serî de li Rêberê Gelê Kurd Abdullah Ocalan û hemû kedkar û karkeran hate pîrozkirin.

Di daxuyaniyê de hate gotin ji ber şewba Koronayê weke salên borî 1’ê Gulanê nikarin pîroz bikin.

Di dewama daxuyaniyê de ev hate gotin: “Çi dibe bila bibe em ê ti carî keda karkerên ji bo welat û azadiya welat ji bîr nekin.”

Di dawiya daxuyaniyê de hate gotin ku bi hêviya sala bê her karker û kes li warê xwe 1’ê Gulanê pîroz bikin.