Yekîtiya Jinên Ciwan ên Tebqayê bi dirûşmeya “Jin, jiyan, azadî, serbixe azadî” meşek bi meşaleyî li dar xistin. Di meşê de bi sedan şêniyên bajarê Tebqayê, nûnerên Rêveberiya Sivîl a Demokratîk, meclîsên leşkerî, partiyên siyasî, tevgerên ciwanan û nivîsgeh û komîteyên jinan ên Tebqayê beşdar bûn.

Li vir, bi navê Yekitiya Jinên Ciwan a Tebqayê daxuyaniyek hat dayîn, daxuyanî ji aliyê rêveber Aye El Silêman ve hat xwendin. El Silêmanî anî ziman ku hîn jî dewleta Tirk a dagirker bê ku tu hêzên navneteweyî wê rawestînin, êrîşên xwe yên li dijî Bakur û Rojhilatê Sûriyeyê didomîne.

El Silêman destnîşan kir ku hewldanên dewleta Tirk a dagirker ên vejandina dewleta Osmanî bi saya fedakariya şêniyên Bakur û Rojhilatê Sûriyeyê ya li herêmê û li çiyayan têk çûn.

Di daxuyaniyê de soza domandina rêya şehîdan heta rizgakirina xakê û azadkirina gel ji bindestiyê hat dayîn, her siyaseta tecrîdê û ya cezayên dîsplînî ya ku dewleta Tirk a dagirker li dijî Rêberê Gelê Kurd Abdullah Ocalan dide meşandin û bêdengiya rêxistin û hêzên navneteweyî ya li hember van kiryaran hatin şermezarkirin.

Di daxuyaniyê de hat diyarkirin ku gelê herêmê dê tu carî serî li hember dijmin netewîne û ku ew ê xwedî li projeya Rêberê Gelê Kurd Abdullah Ocalan derkevin. Di daxuyaniyê de hat destnîşankirin ku gel amade ye asta têkoşîna xwe li gor şerê gel ê şoreşgerî li hember kiryar û komployên li dijî gelê Bakur û Rojhilatê Sûriyeyê û Rêberê Gelê Kurd Abdullah Ocalan bilind bike.