Fermanarê Giştî yê YPG’ê Sîpan Hemo ku ji rojnameya Şark El Avsat re axivî, derbarê êrîşa Suweydê ku çeteyên DAÎŞ’ê 200 kes kuştin û 35 kes revandin got,  ‘êrîşeke hovane ye’ û domand, ‘’Êşa gelê Durzî bi êşa gelê Kobanê re û bi êşa gelê Efrînê ku niha di bin dagirkeriya dewleta Tirk û çeteyan de ye, yek êş e.’’

Hemo got ew hazir in ku alîkariyêbi gelê Suweydeyê re bikin û got, ‘’YPG’ê di şerê dijî DAÎŞ’ê û rêxistinên terorîst de serkeftina xwe ispat kir. YPG ya ku di bin banê QSD’ê de ye 1 ji 3 paran welêt ji DAÎŞ’ê rizgar kir.’’

 ‘LI EFRÎNÊ ÇALAKIYÊN DIJÎ DAGIRKERAN WÊ ZÊDE BIBIN’

Hemo derbarê rewşa Efrînê jî got, çalakiyên YPG’ê yên li Efrînê dijî artêşa Tirk û çeteyên wê didomin û ev çalakî wê zêdetir bibin.

Ji bo rehîneyên ku li Suweydê hatin revandin werin berdan, hevdîtinên di navbeyna rîspiyen Suweydê û çeteyên DAÎŞ’ê de ti encam neanî. Rîspiyan şertên çeteyan qebûl nekirin.