Merasîma bîranînê ji bo rûhê hemû şehîdên Kurdistanê bi deqeyek rêz girtinê destpê kir. 

Dayîkên ku tevlî merasîmê bûn, mûm pêxistin û dirûşmeya, "Şehîd Namirin" berz kirin.

Li ser nave fermandariya YBŞ'ê Xemgîn Şengalî axivî û anî ziman ku îro li Tişrînê bi hezaran Fedakarê Kurdistanê berxwe didin û bi hezaran Şengalî jî di riya wan de dimeşin.

Xemgîn Şengalî behsa kesayet û têkoşeriya Şehîd Fedakar kir û wiha axivî: "heval Fedakar ji malbatekî welatparêz hatiye dinê. Ji kela berxwedanê Girzerîkê û êşîra Hebabê yê şerker bû. Heval Fedakar li hemberî fermanê xwedî hêrsek mezin bû û ji ber vê di sala 2016'an de tevlî nav refên YBŞ'ê bû. Piştî şehadeta Mam Zekî êdî hêrs û kîna ser dilê wî hîn zêdetir bû û ji ber vê berê xwe da nav refên HPG'ê."

Xemgîn Şengalî di dawiya axavtina xwe de sersaxî ji malbatê re xwest û wiha dawî li axavtina xwe anî: "em li ser nave fermandariya YBŞ'ê carekê din sersaxî ji tevahî malbatê şehîdan dixwazin. Em ê her hewl bidin layiqî şehîdan bibin. Bila serê gelê û Rêber Apo sax be."

Di merasîmê de li ser navê Tevgera Azadiya Jinên Êzidî Şemê Remo axivî û wiha got: "em di serî de sersaxî ji malbatê şehîd Fedakar re dixwazin. Heval Fedakar ji bo kesekî an ji xwe şehîd nebû, ew ji bo welat û gelê xwe şehîd bû. Ji bo tevahî gelan cane xwe feda kir. Taybetî jî ji bo jinên Êzidî yên ku li kolan û sûkan hatine firotin û qetilkirin xwe feda kir. Divê gelê me ji lîstîkên ku tê lîstin haydar be. Em hîna jî ji fermanan xilas nebûne. Dagirker dixwazin carekê din gelê ji fermanê derbas bikin. Ji nan û avê zêdetir pêwîstiya me bi yekîtiyê heye. Ji bo em rewşa 2014'an dubare jiyan nekin, divê herkes fedakarî bike. Bila herkes bizanibe ku ger hêza me nebûya û me xwe li ser felsefeya Rêber Apo rêxistin nekiriba em ê ber bayê biketana. Em ji ber fikir û felsefeya Rêber Apo li ser piyan e û hêza me ya xweparastinê heye.

Li ser nave Rêveberiya Xweser a Şengalê jî Cigirê Hevserokê Desteyê Dexîl Îbrahîm axivî û sersaxî ji malbat û ji Rêber Apo re xwest. 

Di merasîmê de birayê Şehîd Fedakar Tehsîn Şeref jî axivî û wiha got, "em spasî ji herkesê ku li vir amade ne dikin. Şehîd Fedakar ne tenê birayê min e, birayê herkesî ye. Ez bi şehadeta birayê xwe serbilind im. Ez li tevahî malbatên Şehîdan pîroz dikim û dibêjim serê gelê me, gerîla û Rêber Apo sax be.

Piştî axaftinan wesîqeya şehîd hate xwendin û teslîmî malbatê hate kirin.

Li ser navê biriyargeha navandî ya HPG’ê name ji malbata Şehîd re hate şandin û di namey de sersaxî ji malbata Şehîd re hate xwestin û soza şopandina rêya hevrê Fedekar Şengalî hate dayîn.

Dawiya merasîmê li ser jiyan û têkoşîna şehîd senevizyonek hate pêşandan. Merasîm bi dirûşmeya ‘Şehîd namirin’ bi dawî bû.