Li gorî agahiyên ji çavkaniyên xwecihî hatin wergirtin, li nehiyeya Nûbilê depoyeke cebilxaneyan teqiya.

Ji ber bandora teqînê pênc xaniyên li derdorê bi temamî hilweşiya. Li gorî agahiyên destpêkê herî kêm 4 kesan jiyana xwe ji dest dan, 16 kes jî birîndar bûn. Li ser sedema teqînê agahî nehate bidestxistin.

Her wiha li gorî ajansa nûçeyan a fermî ya rejîma Sûriyeyê Sana, li bajarê Hûmsê li qadên leşkerî li pey hev teqîn çêbûn. Hate ragihandin ku ji ber teqînê hin roket jî teqiyane û parçeyên şarapnelê ji herêmê derketine û bûne sedema windahiyan. Heman çavkaniyê ragihand ku 10 birîndar rakirine nexweşxaneyên cemaweriyê û taybet ên li bajêr.