Dagirkeran bombe li Şera û Dirbêsiyê barandin
Artêşa Tirk a dagirker bombe li gelek gundên navçeya Şer ya Efrînê û du gundên li rojavayê Dirbêsiyê barand.
Dewleta dagirker bi dema herêmî saet di 08:40'î de gundên Merenaz û Şêwarxa yên Şerayê û Keleya Şêwarxayê bombardûman kir.
Hate ragihandin ku nêzî 40 obus li herêmê ketine.
Şeva Yekşemê jî gundên Çetelê û Şêrikê yên li rojavayê Dirbêsiyê ya Kantona Hesekê hatin bombekirin.
Li ser êrîşê agahiyên berfireh bi dest neketin.
Dewleta Tirk her roj bi rêk û pêk bombeyan li sivîlan û li cih û warê sivîlan dibarîne.
