Meclîsa Leşkerî ya Minbicê bi daxuyaniyekê ragihand ku şervanê wan Xalid Îbrahîm El-Xalid 12‘ê Mijdarê ango îro dema erka xwe ya parastinê li xetên pêş pêk dianî şehîd bû.

Daxuyanî wiha ye:

"Bi xemgînî me agahiyên şehadeta şervanê xwe Xalid Îbarahîm El-Xalid bihîst ku dema erka xwe li xetên pêş bi cih dianî, di encama qezeyekê de şehîd bû. Şervanê me yê leheng Xalid ji gundê Şiyûx ê bajarê Kobanê jidayik bû. Di nava hevalên xwe de bi fedekarî û moralê bilind dihat naskirin, karê jê dihat xwestin bê westandin pêk dianî.

Em sersaxiyê ji xwe, malbata şehîd Xalid Îbrahîm El-Xalid, malbatên şehîdan û gelê me re dixwazin. Em ê heta diplopa dawî li ser xeta şehîdan bimeşin û armancên wan pêk bînin."

Nasnameya şehîd wiha ye;

Nav û Paşnav: Xalid Îbrahîm El-Xalid

Navê Dayikê: Sebah

Navê Bav: Îbrahîm

Dîroka Jidayikbûnê: 1990‘î

Cih û Dîroka Tevlîbûnê: Şiyûx-2016‘an

Cih û Dîroka Şehîdbûnê: Minbic/12‘ê Mijdara 2019‘an