Bi tevlbûna bi hezaran şêniyan cenazeyê şervanê YPG'ê Omer Şêxo yê ku 5'ê Tîrmehê  di encama nexweşiyekê de li bajarê Hesekê şehîd bibû, bi merasîmekî li Goristana Şehîd Dijwar a li gundê Dawidiyê yê bajarê Hesekê veşartin.

Merasîm bi deqeya rêzgirtinê ya leşkerî ya şeranên YPG, YPJ û QSD'ê destpê kir.

Endama Meclîsa Malbatên Şehîdan Sultana Ehmed sersaxî ji malbata şehîd re xwest û soza şopandina xeta şehîdan dûbare kir.

Di merasîmê de Hevseroka Partiya Yekitiya Demokratîk (PYD) Eyşe Hiso jî axivî, hemû cangoriyên azadiyê yên Bakur û Rojhilatê Sûriyê bibî ranî û got: "Divê em wefedarê keda şehîdan bin, em li hemberî dewleta Tirk a dagirker bisekinin a ku hewl dide destkeftiyên gel û şehîdên me têk bibin."

Her wiha anî ziman ku şêniyên Bakur û Rojhilatê Sûriyê tevî hemû sûc û binpêkirinên dagirekriya Tirk di xeta têkoşîn û berxwedanê de berdewam in û got: "Bi vê îradeyê em ê Sûriyeke azad û demorkatîk ji bo hemû pêkhateyên wê ava bikin ."

Meclîsa Malbatên Şehîdan şehadeta şervanê QSD'ê Emar Osman (Birusk) û gerîlayê HPG'ê Rustem Cûdî eşkere kir.

Endama Meclîsa Malbatên Şehîdan Rojda Ehmed nasnameyên şehîdan xwend û radestî malbatên wan kirin.

Piştre cenazeyê şehîd Omer Şêxo di nava diruşme û tilîliyên dayikan hate veşartin.