Parlamentera HDP’ê Zana hevdîtinên xwe yên li Strasbourgê temam kir.

Parlamentera HDP’ê Leyla Zana ya li ser vexwendina Parlamentoya Ewropa (PE) hat Strasbourg, piştî gelek civîn û hevdîtinan bi Serokê PE Martîn Schulz re hevdîtin pêk anî.

Di hevdîtinê de polîtîkayên şer ên AKP’ê, çareseriya pirsgirêka Kurd, wezîfeyên dikeve ser milê YE û PE, rewşa Rojava û hilbijartin hatin rojevê.

Di hevdîtinan de nûnerê Konseya Ewropa yê HDP’ê Fayik Yagizay, şêwirmend û asîstanê wî jî amade bûn.

Zana bi vî awayî hevdîtin û civînên koman ên li PE ku roja Sêşêmê destpê kiribû temam kir û ji bo xebatên hilbijartinan ên welêt ket rê.

Zana ji derveyî xebatên PE, çalakvanên nobetê yên ev demeke dirêj e bi armanca serbestberdana Rêberê Gelê Kurd Abdullah Ocalan li Strasbourgê çalakiya xwe didomînin ziyaret kir.

BANGA DENGDANÊ KIR

Zana li Strasbourgê tevlî civîna gel a vekirî ya DKTM'ê bû. Zana li vir pêvajoya dawî nirxand û diyar kir ku pêwîst e deng bên bikaranîn.