Yekîtiya Xwendekarên Kurdistanê (YXK), bankaya Sparkasse ya hesabê kampanyaya alîkariya ji bo Rojava girt dagir kir. Ciwan bi alên Rêberê Gelê Kurd Abdullah Ocalan, dirûşm û pankartan ketin bankayê.

Ciwanan di tevahiya çalakiyê de pankart û dowîzên, "Li hember ambargoya li dijî Rojava bes e-Qedexeya li hember PKK’ê rakin”, "Astengkirina alîkariyan destekkirina DAIŞ e”, “Şirîkên we DAIŞ fînanse dikin”, "Di xeta Zîlan, Bêrîtan, Arîn, Ferînazan de ber bi şoreşa jinê", "Bijî YPG/YPJ", "Bijî Kobanê, Şengal, Mahabad" hilgirtin.

DAXWAZA HEVDÎTINÊ

YXK, daxwaza hevdîtina bi berpirsyarê bankayê û şaredar re kir, di daxuyaniya çapemeniyê de jî diyar kir ku girtina hesabê piştevaniyê nayê qebûlkirin û qedexeya li hember PKK’ê meşruiyeta xwe winda kiriye

TECRÎD Û ÊRÎŞ HATIN ŞERMEZARKIRIN

Di çalakiyê de tecrîda li hember Rêberê Gelê Kurd Abdullah Ocalan û êrîşên nîjadperest ên li dijî HDP’ê hatin şermezarkirin, hikûmeta AKP’ê hat hişyarkirin.

Ciwanên Azad û rêxistinên çep ên Elman jî tevlî çalakiyê bûne.