Li bajarê Rojavayê Kurdistanê Girkê Lekê komeke çekdar otobîsa karkerên kargeha gazê ya li Gundê Siwêdî desteser kir. Lê şervanên YPG'ê li pey koma çekdar ket û rêwiyên otobîsê rizgar kir.

Îro li ser rêya Rimêlan û Gundê Siwêdî, komeke çekdar otobîsa karkerên ku ji Girkê Legê wê biçûna kargeha gazê ya Siwêdiyê desteserkirn. Piştî ku karker daxistin, wan û şofêrê wê Ebdul Rehman Mûsa ber bi gundê Cinîdiyê ya li ser rêya Til Koçer ve revandin.

Dema Şervanên YPG'ê bûyerê bihistin, li pey koma çekdar ketin û di nava her du aliyan de pevçûn rûdan. Di encama pevçûnê de koma çekdar neçar ma ku otobîsê bihêle û bireve.