Xelata Mafên Mirovan a Konseya Baroyên Ewropayê (CCBE) ya îsal dan Serokê Baroya Amedê û parêzvanê mafên mirovan Tahîr Elçî yê li Amedê hat qetilkirin, endamên Komaleya Hiqûqnasên Azadîxwaz (OHD) parêzer Ayşe Acînîklî û Ramazan Demîr û Parêzer Ayşe Bîngol.

Di merasîma xelatê de ku li Brukselê hat lidarxistin, Turkan Elçî xelata ku ji bo Tahîr Elçî hatiye dayîn girt, Acînîklî, Demîr û Bîngol jî ji ber qedexeya derveyî welêt li wan hatiye birîn û pasaportên wan hatiye betalkirin, amade nebûn.