Tecrîd li Gavle û Torontoyê hate şermezarkirin

Di çarçoveya pêngava 'Bes e ji tecrîd, faşîzm û dagirkeriyê re; dem dema azadiyê ye' ku KCK'ê hefteya derbasbûyî dest pê kir, li bajarê Gavle yê Swêdê û bajarê Toronto yê Kanadayê çalakî hatin lidarxistin.

Meclîsa Gel a Gavleborgê, li gara trenê li dijî tecrîdkirina Rêberê Gelê Kurd Abdullah Ocalan çalakiyek li dar xist.

Çalakger bi pankart û alan li pêşiya gar a trenê li hev kom bûn û dirûşmên "Azadî ji Ocalan re, aştî ji Kurdistanê re", "Faşîst Erdogan", "Kujerê zarokan Erdogan" qîriyan.

Bi navê meclîsê daxuyanî hate dayin û bang li welatên Ewropayê hate kirin ku têkildarî êrişên dewleta Tirk ên li Kurdistanê bi berpirsyarî tevbigerin.

Li bajarê Toronto yê Kanadayê jî Meclîsa Gelê Kurd a Torontoyê çalakiyek li dar xist û tecrîdkirina Rêberê Gelê Kurd Abdullah Ocalan şermezar kir.

Di çalakiyê de ku daxwaza azadiya Ocalan hate kirin, her wiha darbeya leşkerî ya faşîst a 12'ê Îlonê hate şermezarkirin.