Hat ragihandin ku komên DAIŞ'ê îro li bajarê Minbicê yê girêdayî Helebê 50 welatiyên Kurd revandiye. 

Çavkaniyên herêmî diyar kirin ku çeteyan DAIŞ'ê îro bêyî tu hincet û tewanbariyekê nîşan bide 50 welatiyên Kurd ji taxên cuda yên ji bajarê Minbicê yê bakurê Helebê revandin.

Çavkaniyan ji rojnameya El-Qudis Elerebî re diyar kirin ku ev gav di çarçoveya qirkirina Kurdên bajarê Minbicê bi hinceta piştgiriya hin hêzên çep û sekina bi Rêveberiya Xweseriya Demokratîk re tê kirin.

Heman çavkaniyan tekez kirin ku DAIŞ'ê malên welatiyên revandî yên nêzî Çerxereya El-Cezîra talan kirine. Çeteyan madeyên firoşgeh û dikanên welatiyên revandî jî dizîn û hemû alavên çandiniyê û jenatorên ceyranê ji xwe re birin.

Hêjayî gotinê ye, ji ber zext û zordariya DAIŞ'ê ya li Minbicê hejmareke zêde Kurdên li herêmê koçî Kobanê kirine.