Seyîd Riza û hevrêyên wî bi çalakiyeke ya bi pêşengtiya Federasyona Komeleyên Dersimê (DEDEF) û Federasyona Yekîtiyên Dersim a Demokratîk ên Ewropayê (ADEF) hatin bibîranîn.

Bîranîna ku li Qada Îskele ya Kadikoyê hate kirin Parlementerên HDP’ê Zuleyha Gulum, Mûsa Pîroglû û gelek nûnerên partî û rêxistinên demokratik amade bûn.

Li qadê pankarta bi nivîsa ‘Me ti tiştek ji bîr nekiriye, em tiştekî jî efû nakin’ hate vekirin û 37-38 find hatin pêxistin.

Piştî deqeyek rêzgirtinê endamê desteya rêveber a DEDEF’ê Hasan Şen axivî û diyar kir ku polîtîkayên asîmlasyon ên Qetlîama Dersimê bi şewitandina daristan, desteserkirina qeyûman dewam dike. Piştre li ser navê DEDEF û ADEF daxuyaniyek hevpar Ûlaş Yegîn da.

Yegîn anî ziman ku di serî de Seyîd Riza jî di nav de rûspiyên gel ên piştî bi fêlbaziyê hatin qetilkirin û şûnde li dijî gel êrîşekî dijwar a li ti deverên dinê nehatî dîtin hate kirin û qirkirin hate kirin.

Yegîn daxwazên DEDEF û ADEF rêz kir:

 “Bila arşîv bên vekirin û navê Dersimê lê bê vegerandin.

Lêborîn ji gelê Dersimê bê xwestin.

Lîsteya sirgûn, winda û zarokên dayîne malbatên cuda bên eşkerekirin.

Gorên Seyîd Riza û hevrêyên wî bên diyarkirin.

Azadiya ji boz iman baweriya me ya Kizilbaş a Elewî bê naskirin

Projeyên bendavê yên li Mûnzûrê bên betalkirin.”