Ji bo 8 navên ku Adil Abdulmehdî ji bo desteya wezîran a nû pêşkêşî Parlamenta Iraqê kir, sibe dengdan tê kirin.

Navê kesên ji bo wezîrtiyê hatine diyarkirin:

Falih Faysal Feyyaz - Wezîrê Karên Hundir

Faysal Cerba - Wezîrê Parastinê

Kûseyî Abdulvahap Suheyl - Wezîrê Hîndekariya Bilind

Seba Hayrettîn Tay - Wezîrê Perwerdeyê

Abdulemîr Hemdanî - Wezîrê Çandê

Hena Emanûel Gorgîs - Wezîra Koç û Koçberiyê

Nûrî Natik Dilemî - Wezîrê Plansaziyê

Dara Nurdeyîn - Wezîrê Edaletê

YNK'Ê NEAZÎBÛN NÎŞAN DA

YNK'ê ji ber ku namzetê wan Xalit Şwanî di lîsteyê de cih negirt, nerazîbûn nîşan da.

Heyeta YNK'ê ya çû Bexdayê diyar kir, piştî Mesût Barzanî serdana Bexdayê kir, mijara nedana vê wezaretê ji bo wan, hatiye nîqaşkirin.

Di daxuyaniyê de hate ragihandin, hejmara parlamenterên wan têra bidestxistina wezaretekê dike û hate bibırxistin, beriya niha Wezareta Edaletê ji wan re hatiye dayin, lê belê niha hin kes naxwazin ev wezaret ji wan re bê dayin.

Di daxuyaniyê de hate gotin eger wezaret ji wan re neyê dayin wê YNK xwe ji hikumeta nû ya Iraqê vekişîne û ev yek jî wê rê li ber encamên giran veke.

Lîderê Koalîsyona Saîrûn Muqteda Es Sadr ku di hilbijartinên parlamenta Iraqê de bû yekemîn, diyar kir, ew li dij in ku Falih Faysal Feyyaz bibe Wezîrê Karê Hundir, lê tevî vê yekê jî navê wî hate diyarkirin. Sadr nerazîbûn nîşanî vê yekê da.