Serlêdana hevdîtinê ya bi Ocalan re dîsa hate redkirin
Serlêdana hevdîtinê ya malbatê ya bi Rêberê Gelê Kurd Abdullah Ocalan dîsa ji aliyê Serdozgeriya Komarê ya Bûrsayê ve hat redkirin.
Xwîşk û birayê Rêberê Gelê Kurd Abdullah Ocalan, Fatma Ocalan û Mehmet Ocalan bi boneya roja Duşemê bi Ocalan re hevdîtinê pêk bînin bi rêya parêzeran serî li Serdozgeriya Komarê ya Bûrsayê dan. Serlêdana malbatê ji aliyê Serdozgeriyê ve hat redkirin.
Malbatên Hamîlî Yildirim, Omer Hayrî Konar û Veysel Aktaş jî yên li heman girtîgehê dimînin bi rêya parêzerên xwe serlêdana hevdîtinê kirin. Serdozgeriyê serlêdana her sê malbatan jî red kir.
