Sekreterê Giştî yê Konseya Ewrûpayê Thorbjorn Jagland, ji bo hin danûstandinan pêk bîne çû Tirkiyê. Tê payîn, Jagland hişyariyên Meclîsa Parlamenteran a Konseya Ewrûpayê û Kongreya Rêveberiyên Herêmî ya Ewrûpayê ji Tirkiyê re ragihîne. Her weha tê texmînkirin di hevdîtinan de mijarên Berxwedana Parqa Gezî, dijwariya polîsan û pêvajoya ji bo çareseriya pirsgirêka Kurd bên rojevê.

Sekreterê Giştî yê Konseya Ewrûpayê Thorbjorn Jagland ê ji bo hin danûstandinan çû Tirkiyê, wê sibê bi Serokwezîrê Tirkiyê Recep Tayyip Erodgan, Wezîrê Edaletê Sadûllah Ergîn û hin wezîran re hevdîtinê bike.

Çavkaniyên dîplomatîk dan xuyakirin ku we di serdana 2 rojan a Jagland de, wê di çarçoveya têkiliyên Konseya Ewrûpa û Tirkiyê de, mijarên mafên mirovan, demokrasiya tevlêkar, dewleta huqûqê, destûra bingehîn a nû, protesto û dijwariya polîsan a di xwepêşandanên Parqa Gezî de,  pêvajoya çareseriya pirsgirêka Kurd, werin nirxandin.