Sala 2018’an nêzî 2 hezar karker mirin
Meclîsa ÎSÎG’ê ragihand ku di sala 2018’an de herî kêm hezar û 923 karker mirin.
Meclîsa ÎSÎG’ê ragihand ku di sala 2018’an de herî kêm hezar û 923 karker mirin.
Meclîsa ÎSÎGê Rapora 2018'an eşkere kir. Meclîsê diyar kir ku di sala 2018'an de herî kêm hezar û 923 karkeran di cînayetên kar de mirin e û wiha got; “Gelo di kijan şerî de me ew qas hevalên xwe winda kirine. Di serdema îktîdara AKP’ê de me 22 hezar û 500 karker di cînayetên kar de winda kirin.”
Meclîsa Ewlehiya Kar û Tenduristiya Karkeran (ÎSÎGM) rapora 2018'an eşkere kir. Li gorî raporê di 2018'an de li 81 bajarên Tirkiye 119 jin û Hezar û 804 mêr bi giştî Hezar û 923 karkeran di cînayetên kar de mirin e. Di raporê de hat diyar kirin ku bi giştî 67 zarok mirine. Li gorî mehan cînayetên kar wiha ne:
Çile: 144 karker
Sibat: 128 karker
Adar: 130 karker
Gulan: 189 karker
Hezîran: 151 karker
Tebax: 185 karker
Îlon: 167 karker
Cotmeh: 179 karker
Mijdar: 155 karker
Kanûn: 126 karker
DAXWAZÊN MECLÎSA ÎSÎGÊ:
"* Karkerên ku mirine 98 ji sedî ne endamên sendîkayê ne. Divê êdî hemû karker bi sendîkayî bin. Divê dawî li bêsendîkatiyê bînin.
* Divê karker li cihê kar li gorî pîvan û zagonên kar xebatê bikin û di saetên zêde de karên cuda nekin.
* Divê patron û karsazen ji cînayetên kar berpirsiyar bên darizandin.
* Divê nexweşiya karkeran neyê veşartin û ger ku nexweşiyên wan hebin bên parvekirin.
* Divê heqê herî kêm zêde bikin û êdî karker ji kar neyên avêtin.
* Di 2018'an de 67 zarokan di qezayên kar de mirin e. Divê dawî li karkeriya zarokan bînin.
* Her sal 120-130 jin di cînayetên kar de dimirin. Divê ji bo jinan qada kar bê vekirin û penaseya wê bê kirin.
* Divê ewlehiya karkerên penaber û koçber bê parastin û ewlehiya wan bê stendin. "