Doza Nûçegihanê DÎHA ku bi Biryarnameyên di Hikmê Qanûnan (BHQ) de hatibû girtin, Îdrîs Sayilgan ku hevdîtinên wî yên bi çavkaniyên nûçe û karê rojnamegeriyê re weke sûc hate dîtin û bi îdîaya ‘endamê rêxistin’ û ‘propagandaya rêxistinê kiriye’ 5’emîn rûniştina doza ku dihate darizandin piştî 26 mehan li 2’emîn Dadgeha Cezayê Giran a Mûşê pêk hat.

Rojnameger Sayilgan bi rêya SEGBÎS’ê beşdarî dozê bû. Parêzer Bariş Oflas, Berdevkê Înîsyatîfa Rojnamegerên Azad (OGÎ) Hakkî Boltan, malbat û hempîşeyên wî beşdarî dozê bûn.

‘DAXWAZEKE MIN TUNE; EM Ê STÛYÊ XWE XWAR NEKIN!’

Sayilgan bi Kurdî xwe parast û wiha got; “Tiştên min kirî xebatên rojnamegeriyê ne û sûcekî wiha tune. Ji heyetê tu daxwaz û daxwaza berdana mîn nîne. Em, çapemeniya azad me tu caran stûyê xwe xwar nekiriye û em ê nekin jî. Bijî çapemeniya azad!”

Doz taloqî 25’ê Çileya 2019’an hate kirin.