Operasyona li Xota Rojhilat roja 18'ê Sibatê dest pê kir. Rejîm li gel bomberdûmaneke giran li Xota Rojhilat bi lez bi pêş ve çû.

Li gorî Saziya Çavdêriya Mafên Mirovan a Sûriyeyê ku navenda wê li Londonê ye, zêdeyî 50 ji sedî yê Xota Rojhilat ji aliyê rejîmê ve hatiye kontrolkirin.

Rejîma Sûriyeyê bi alîkariya Rûsya û Îranê dixwaze vê herêmê bi temamî kontrol bike. Rejîma Beşar El Esad niha bajarê Duma ku mezintirîn bajarê li Xota Rojhilat e û navçeyên li rojavayê herêmê bi pêş ve diçe. Herêmên li rojhilat û başûrê rojhilat ê herêmê ji destê komên çekdar hatin derxistin.

Li gorî Saziya Çavdêriyê, roja Çarşemê herî kêm 45 sivîl hatine kuştin ku 4 ji wan zarok in. Hate ragihandin ev sivîl bi êrîşên Rûsyayê hatine kuştin. Ji 18'ê Sibatê ve ji ber bomberdûmana hewayî û topbarana rejîmê tê gotin ku zêdeyî 850 sivîl mirine.