Komeleya Rojnamevanan a Dîcle Firatê (DFG) Rapora Binpêkirina Mafên Rojnamevanan a Meha Tebaxê parve kir. Di raporê de hat gotin ku bi girtina 3 rojnamevan-nivîskaran re hejmara rojnamevanên di girtîgehê de bûye 59. Di raporê de qala 1’ê Îlonê Roja Aştiyê ya Cîhanê jî hate kirin û ev tişt hatin parvekirin: “Em xemgînin ku di van rojên ku hêviya aştiyê tê kirin de jî di mijara azadiya xweîfadekirinê û azadiya çapemeniyê de li welêt pirsgirêkên mezin hene. Hêj niha jî gelek rojnamevan di girtîgehê de ne. Lewma mimkin nîne mirov qala azadiya xweîfadekirinê bike. Ji ber ku ev rewş hêj xerabtir dibe û binpêkirin didomin, fikarên me zêdetir dibin.” 

3 ROJNAMEVAN HATIN GIRTIN

Bi domdarî hat destnîşankirin ku bi taybet jî rojnamevan li qadan rastî astengiyên mezin tên û ev tişt hatin gotin: “Rojnamevanên di dema şopandina nûçeyan de tên astengkirin, di heman demê de tên derbkirin, îşkencekirin û rastî miameleyeke nebaş tên. Di meha tebaxê de 3 rojnamevan-nivîskar hatin girtin û bi vê yekê re hejmara rojnamevanên girtî derket 59’an.” 

DFG’ê di heman demê de bertek nîşanî girtina Berdevkê Hewldana 78’an Celalettîn Can da. Bi domdarî hat bibîrxistin ku Hevseroka DFG’ê Dîcle Muftuoglû û gelek rojnamevan girtî ne û ev yek weke “cihê şermê” hat pênasekirin û banga berdana rojnamevanan kir. 

ROJNAMEVANÊN KETINE GREVÊ 

Bi domdarî DFG’ê bal kişand ser rojnamevanên li Sputnikê ketin grevê û wiha bang kir: “Êrişên li dijî mafên aborî û civakî yên rojnamevanan didomin. Xebatkarên Sputnîkê yên ji kar hatin derxistin jî mînakeke vê ne. Divê mafên van xebatkaran bên dayîn û yên ji kar hatine avêtin dîsa bigirin kar.” 

 DFG’ê da zanîn ku di meha Tebaxê de jî astengkirina nûçeyan a ji hêla RTUK’ê ve berdewam kir û wiha got: “Êdî cezayên RTUK li televîzyonan dibire veguheriye sepaneke jirêzê. Her wiha hêj jî malperên înternetê tên girtin. Bi hêsanî jî nûçeyan asteng dikin. Ev zîhniyet, zîhniyeta sansûrê ye. Rojnamevan tên sansûrkirin û dixwazin heqîqetê veşêrin. Dema em bi giştî li meha tebaxê dinihêrin; di vê mehê de zexteke mezin li ser azadiya çapemenî û xweîfadekirinê hebû û hewl dan bi sansûrê rojnamevanan bifetisînin. Em baş dizanin ku naxwazin gel rastiyan bizane. Lewma em careke din bang dikin; dev ji van hewldanên li dijî rojnamevanan berdin. Hûn nikarin pênûsên azad zincîr bikin.” 

 ROJNAMEVANÊN GIRTÎ

Navên Rojnamevanên girtî yên DFG’ê parve kirin jî ev in: 

* Abdurrahman Gok - Edîtorê Ajansa Mezopotamyayê 

* Ahmet Metîn Sekîzkardeş - Rojnameya Zamanê

* Ahmet Uzan - Midûrê Nûçeyan a Rojnameya Sabah Egelî 

* Alaattîn Akkaşoglû - Xwediyê Rojnameya Akîsê 

* Alî Aşîkar - Rojnameya Azadiya Welat 

* Alî Unal - Nivîskarê Rojnameya Zamanê 

* Aytekîn Gezîcî - Rojnamevan - Nivîskar 

* Baran Karadag - Xebatkarê Rojnameya Azadiya Welat

* Bariş Pehlîvan - Rojnamevan

* Cengîz Dogan - Gerînendeyê Giştî yê Rojnameya Mavî ve Kentê

* Çetîn Çîftçî - Nûçegihanê Rojnameya Bugunê yê Parlamentoyê 

* Derya Ren - Nûçegihana JINNEWS’ê 

* Devrîm Ayik - Xebatkara Kovara Ozgur Halkê 

* Dîcle Muftuoglû - Hevseroka Komeleya Rojnamevanan a Dîcle Firatê 

* Dîlan Oynaş - Xebatkara Rojnameya Azadiya Welat

* Elîf Ersoy - Berpirsyarê Karên Nivîsan ê Kovara Yuruyuşê

* Ercan Gun - Midûrê Nûçeyan ê Fox TV’yê

* Erdal Susem - Edîtorê Kovara Eylûlê 

* Erol Zavar - Xwedî û Midûrê Karên Nivîsan ê Kovara Odakê 

* Ferhat Çîftçî - Nûnerê Rojnameya Azadiya Welat ê Dîlokê 

* Firat Can Arslan - Nûçegihanê Ajansa Mezopotamyayê (MA) 

* Gultekîn Avci - Nivîskarê Rojnameya Bugunê 

* Hamdullah Bayram - Xebatkarê Rojnameya Yenî Yaşamê 

* Hasan Taşar - Nûçegihanê TRT’ê yê Enqereyê

* Hatîce Duman - Xwedî û Midûrê Karên Nivîsna ê Rojnameya Atilimê 

* Hudaverdi Yildirim - Edîtorê Nûçeyan ê Can Erzincan TV’yê

* Îbrahîm Karakaş - Xebatkarê Rojnameya Yenî Yaşamê 

* Îsmaîl Çoban - Midûrê Karên Nivîsan ê Azadiya Welat ê berê 

* Kenan Karavîl - Gerînendeyê Giştî yê Weşanê yê Radyo Dunyayê 

* Mahmut Gulecan - Midûrê Karên Nivîsan ê Berpirsyar ê Kovara Ozgur Halkê

* Mehmet Baransu - Nivîskarê Rojnameya Tarafê 

* Mehmet Şah Oruç - Rojnamevan

* Mehmet Gundem - Rojnamevan

* Melîh Gasgar - Nûçegihanê Ajansa Nûçeyan a Cîhanê yê Balikesirê

* Merdan Yanardag - Gerînendeyê Giştî yê Weşana TELE1’ê 

* Mîktat Algul - Gerînendeyê Giştî yê Weşana Mezîtlî FM’ê 

* Mîkaîl Barut - Rojnamevan 

* Mûrat Çapan - Midûrê Karên Nivîsan ê Berpirsyar ê Kovara Noktayê 

* Mûrat Verîm - Rojnamevan

* Mûstafa Gok - Nûnerê Dovara Ekmek ve Adalet ê Enqereyê 

* Mûstafa Unal - Rojnameya Zamanê 

* Nadiye Gurbuz - Edîtora ETHA’yê 

* Osman Çalik - Gerînendeyê Giştî yê Weşanê yê Radyoya Samanyolu Haberê 

* Ozden Kinik - Xebatkarê TRT’ê 

* Ozlem Seyhan - Rojnamevan

* Recaî Morkoç - Edîtorê Buroya Herêma Antalyayê yê Ajansa Nûçeyan a Cîhanê 

* Remzî Akkaya - Rojnamevan

* Rifat Soylemez - Xwediyê Rojnameya Adana Haberê 

* Samî Tunca - Midûrê Karên Nivîsan ê Kovara Mucadele Bîrlîgiyê 

* Sedat Yilmaz - Edîtorê Ajansa Mezopotamyayê 

* Semîh Elîtaş - Xebatkarê Rojnameya Azadiya Welat 

* Serkan Sedat Guray - Produktorê Bernameyê yê Burç FM’ê 

* Sertan Onal - Rojnameya Halkin Gunlugu 

* Sîbel Mustafaoglû - Xebatkarê Azadiya Welat 

* Taner Talaş - Rojnamevan 

* Turgut Usul -  Nûçegihanê TRT’ê 

* Tulay Canpolat -  Nûçegihana Rojnameya Sabahê yê Enqereyê 

* Zafer Ozcan -  Edîtorê Aboriyê yê Rojnameya Bugunê 

* Ziya Ataman - Nûçegihanê Ajansa Nûçeyan a Dîcleyê (DÎHA)