Plaftorma Hunermendên Kurdên Êzidî (PHKÊ), diyar kir ku di hemû civakan de cejin wateyên xwe yên taybet hene, yek ji van cejnan jî Cejna Êzî ye, got: "Cejna Êzî jî di heman wateyê de di pêkhatina yekîtiya gelên herêmê de xwedî roleke dîrokî ye. Cejna Êzdî xwedî kevneşopiyek dîrokî, çandî û civakî ya gelê Kurd e".

PHKÊ destnîşan kir ku di hemû bawerî û di nava tevahiya civakan de cejin xwedî wateyek giring in.Di dewama daxuyaniyê de wiha hate gotin: “Di aliyê dîrokî, civakî û jiyana bi rûmet û aştiyê de roleke erênî lîstine û dilîzin. Cejna Êzî jî di heman wateyê de di pêkhatina yekîtiya gelên herêmê de xwedî roleke dîrokî ye. Cejna Êzdî xwedî kevneşopiyek dîrokî, çandî û civakî ya gelê Kurd e.”

Platformê diyar kir ku herêma ku lê dijîn, di nava tevgerek metirsînî de diheje, gelê Kurd jî di vê qonaxê de, rol û misyonek girîng ya berxwedêr girtiye ser milên xwe. Civaka Êzdî jî, bi parastina nirx û pîroziyên xwe, di vê rol û misyona dîrokî dilîze. Li hemberî lîstik û kiryarên gemarî berxwedan kir û di têkoşîna azadiya Kurd de, bi dilsozî cihê xwe girt.

Platforma Hunermendên Kurdên Êzdî (PHKÊ) herî dawî wiha got: “Em cejna Êzî, car din li civaka Êzdî û tevahiya gelê Kurd pîroz dikin û hêvî dikin ku cejna qedîm ya gelê Kurd bibe, bingeha yekîtiya neteweyî ya gelê Kurdistanê.