Ji bo tevlî kongreya PYD'ê bibin, delegeyên PYD'ê yên li Başûrê Kurdistanê, Ewropa, Rûsya û mêvanên din ên ji parçeyên din ên Kurdistanê berê xwe dan deriyê Sêmalka. Lê belê Asayîşa PDK'ê ew li ber deriyê sînor sekinand û nehişt derbasî nava Rojava bibin.

Li gorî agahiyan, rayedarên li ber deriyê sînor ji delegeyan û mêvanan re gotine, "Hûn mirovên siyasî ne. Em nikarin bihêlin ku hûn derbas bibin." Tevî ku delegeyên PYD'ê û mêvanan pasaport û nasnameya xwe nîşan dane jî, destûr nayê dayin ku derbas bibin.

Di dema referandûma Başûrê Kurdistanê de, dema ku Tirkiye û Îranê gef dixwarin, rêveberiya Rojava dabû xuyakirin, ku deriyê wan ê sînor her tim li Başûrê Kurdistanê vekirî ne.

Hevserokê Giştî yê PYD'ê Salih Muslim ji rojnameya Şerq El Eswat re axivîbû û gotibû, eger êrîşek li hemberî Başûrê Kurdistanê were kirin, wê gelê Başûr biparêzin.