Pêkhateyên KCDK-E’yê, Yekitiya Sûryaniyên Ewropayê (ESU), Partiya Sosyalîst a ji nû ve Damazirînê (SKYP), YNK û Tevgera Goran destek da çalakiyê, gelek nûnerên saziyên Kurd jî hazir bûn.

Roja sêyan a çalakiyên parlamentere berê yê HDP’ê Ertugrul Kurkçu û beşdarên meşa ji Ocalan re azadî, hatin qada Nobeta Ji Ocalan re azadî. Ji parlamentoya Başûrê Kurdistanê, wekîlê YNK’ê Salar Muhammed û wekîlê Goran Şêrko Emîn jî li çalakiyê hazir bûn.

KARTAL: HETA AZADIYÊ WÊ TÊKOŞÎN BIDOME

Hevserokê Kongra-Gel Remzî Kartal li ser çalakiyê axivî, bi bîr xist ku çalakiya ji bo azadiya Ocalan ev 6 sal in didime, diyar kir kul il çar parçeyên Kurdistanê Kurd bi hişmendiya ku wê bê Ocalan jiyan nebe azadiya Ocalan dixwazin û got niha, bi vê çarçoweyê nûnerên saziyên Kurd çalakiyê dikin.

Kartal malavayî li wan kesan kir ku ev 6 sal in tevlî çalakiyan dibin û got heta ku azadiya Ocalan pêk were ew ê têbikoşin.

PARLAMENTERÊN HGP, GORAN Û YNK’Ê DESTEK DAN

Hevserokê KCDK-E’yê Yuksel Koç bi daxuyaniyekê malavayî li Ertugrul Kurkçu, paralmenterên Başûrî kir û got Kurd azadiya Ocalan dixwazin, heta ku Ocalan azad bibe ev çalakî wê bidome.

Koç diyar kir Ocalan azadiya gelê Kurd, gelên Rojhilata Navîn û hemû baweriyan e.

 ‘JI BO CIVAKEKE DEMOKRATÎK PROJEYA OCALAN GIRÎNG  E’

Dostekî Kurdan ku di çalakiyê de hazir bû, bak kişande ser projeya civaka demokratîk a Ocalan û giringiya çalakiya i ber Konseya Ewropayê destnîşan kir. Çalakvanê Elman bang li hemû gelan kir ku tevlî çalakiya ji bo azadiya Ocalan bibin û bi dirûşma, ‘’Bê Ocalan jiyan nabe’’ axaftina xwe qedand.

Yek ji çalakgerê Meşa Azadiyê jî bang li Konseya Ewropayê, CPT’yê kir ku bi karê xwe rabin û got heta azadiya Ocalan wê çalakiyên wan bidomin.