Li ser biryara Walîtiya Stenbolê îsal jî destûr nehat dayîn ku li Qada Taksîmê pîrozbahiyên 1’ê Gulanê Cejna Karker û Kedkaran werin lidarxistin. Piştî biryara qedexeyê polîsan bi bariyeran dest bi dorpêçkirina dora Qada Taksîmê kirin.
Navnîşana pîrozbahiyên di bin pêşengiya DÎSK, KESK, TMMOB û TTB’ê de wê li Qada Rihtim a Kadikoyê werin lidarxistin. Gelek kesên ku ji bo li Taksîmê pîrozbahiyê bikin bang kirin, hatin binçavkirin.
Piştî qedexeya Walîtiyê polîsên Tirk dest bi dorpêça Qada Taksîmê, Parka Gezî û Bîra Cumhuriyetê kirin.
Her wiha hate ragihandin ku sibeha 1’ê Gulanê rêyên ku dikevin Taksîmê hem ji bo wesayîtan hem jî ji bo peya werin girtin. Dema ku hin bariyer li derdora qadê hatin bicihkirin, hin bariyerên din ên amade jî hene.
