Li paytexta Fransa Parîsê, bi armanca piştgirîdayîna Rojavayê Kurdistanê, çalakiyek hat lidarxistin.

Çalakiya li ber banliyoya Villers Le Bel ji aliyê Meclîsa Çand û Hunerê ya Kurd a Parîsê ve hat organîzekirin û gelek kes beşdar bûn.

Di çalakiyê de panêlek bi beşdariya Nûnerê PYD'ê Xalid Îsa û siyasetmedarê Kurd Şêrgo hat lidarxistin û bûyer, pêşketin û pirsgirêkên li Rojava hatin nirxandin.

Li dû panêlê, dengbêj Marûf û hunermend Nûarîn derketin ser dikê û stranên xwe ji bo Rojava gotin.

Di çalakiyê de ji bo Rojavayê Kurdistanê sînevîzyon hat nîşandan û Koma Hêja ya Şanoyê jî, lîstika xwe ya bi mijara komkujiya Roboskê pêşkêşî beşdaran kir.

Çalakiya ku heta derengiya şevê dewam kir, bi stranên Ûlaş Kelaşîn bi dawî bû.