Serokwezîrê Tirk Yildirim li ser bîlançoya hewldana darbeyê agahî da. Serokwezîrê Tirk diyar kir 232 kes mirin e, ku 24 ji van darbekar in. Her wiha got, 7 hezar kes hatine binçavkirin, zêdeyî 300 kes hatine girtin.
Desteya Wezîran, piştî hewldana darbeyê li Qesra Çankayayê li hev civiya. Serokwezîrê Tirk Bînalî Yildirim piştî civînê daxuyanî da û li ser bîlançoya hewldana darbeyê agahî da.
Li gorî Bînalî Yildirim bi giştî 232 kes mirin e, 60 ji van polîs, 3 leşker, 145 sivîl û 24 darbekar in. Yildirim got, 1491 kes jî birîndar bûne.
Serokwezîrê Tirk Yildirim da xuyakirin, ku zêdeyî 7 hezar kes hatine binçavkirin û got, "100 ji van polîs, 6038 jî leşker in. Ji binçavkiriyan 316 kes hatin girtin."
Yildirim her wiha ragihand, bi biryara HSYK endametiya 5 endaman hat betalkirin, 2745 dadger û dozger ji wezîfeyê hatin girtin, bi qasî 1500 wezîfedarên cemaweriyê ji kar hatine derxistin û ji bo 8777 xebatkarên Wezareta Karên Hundir jî ji kar bên derxistin, biryar hatiye dayîn.
